هـــزيــمه
كل ما تلبسنى حالة بعينها
أدرب نفسى ع التجاوز
بمعنى
انى اتعود عليها حتى لو كانت مؤلمه .
أتعايش مع فكرة
ان البني آدم شجر
ف خوف من الخريف
بس انا
صاحبت الخريف ، و صعب علي
حسيت هوه اد ايه
وحيد
بأعد
الهزايم الصغيرة علشان أجتاز معركة كبيرة
فى دماغى
أحاول الاستفاده من أخطائى
فتظهر لى دايرة من السلوك الشائكة
اللى بتجرحنى باستمرار
و كل ما دمى يجرى على حته
تنبت هزيمه
الألم . . الوجع . . الوخز
حاجات تتلكع فى مشيها
وساعة ما تصاحب حد
تكرمه فى عطاياها اللى مش مبرره
و ما فيهاش عدل
و بتكره الفراق حتى مع تدريبات
تنظيم النفس
و العد من 1 لـ 1000
